Зошто честото триење на очите е толку лоша навика?

Долги денови пред компјутер, воздух полн со алергени или само лоша навика; без оглед на причината за триење на очите, лекарите велат дека тоа не е добра идеја.

„Кожата под очите е најтенка на целото тело“, вели дерматологот д-р Нава Гринфилд, која објаснува дека неколку медицински состојби, како суви очи или алергии, можат да предизвикаат триење на очите.

Таа додаде дека за да се намали чувството на чешање, потребен е локален стероид за да се спречи нагонот за триење. Во други случаи, може да се користат и антихистаминици.

Во секој случај, дерматолозите советуваат да ги држите рацете подалеку од очите бидејќи навиката за триење може сериозно да влијае на вашиот изглед и здравје бидејќи може да го има следново:

Крвави очи
„Крвавите очи може да настанат со триење додека не пукнат капиларите“, вели дерматологот д-р Снел Амин.

Темни кругови
Хроничното триење на очите може да доведе и до темни кругови под очите, познати како прогресивна хиперпигментација. И колку е вашата кожа потемна, толку полошо може да биде.

Брчки
„Кога често ги триете очите, ја изложувате кожата на ризик од згуснување“, предупредува дерматологот д-р Брендан Камп, а тоа може да ги направи брчките на кожата повидливи.

Оштетување на рожницата
„Хроничното триење не само што ја оштетува кожата на очниот капак, туку може да предизвика и микро-гребнатини на рожницата“, вели д-р Камп, што дополнително може да доведе до заматен вид, состојба позната како кератоконус.

Ризик од инфекција
„Очите се портал за инфекции бидејќи микробите од рацете можат да навлезат во телото преку мукозната мембрана на очите“, вели д-р Амин.

Како да се ослободите од оваа навика?
Ако се најдете дека ги триете очите повеќе од вообичаено, еве неколку стручни совети кои ќе ви помогнат да се откажете:

Првиот чекор е да бидете свесни дека го правите тоа, а разбирањето на можните последици може да ви помогне да ја прекинете навиката.

Дерматологот Клер Волински, д-р, верува дека навиките како триење на очите, чепкање по кожата или лижење на усните може да се решат со техники на когнитивна терапија.

„Ако носите контактни леќи и често ги триете очите, размислете за носење очила кои можат да делуваат како бариера и потсетник за да ја избегнете кожата околу очите“, вели д-р Камп.

Дерматологот д-р Лин Мекинли Грант советува да избегнувате да го чистите лицето со крпа и предлага да го оставите да се исуши самостојно по миењето. Покрај тоа, вели таа, можете да пробате вештачки солзи или капки за очи од алергија, но не и оние кои предизвикуваат зависност.

„Ролерот за лице може да ја смири иритираната, надуена кожа, а благодарение на лимфната дренажа, кожата на очните капаци ќе изгледа поздрава, посветла и помалку надуена“, објаснува д-р Камп.

Тој додава дека кога ќе почувствувате потреба за триење, ставете ладна облога на очите, пишува Huff Post.