Бело чоколадо и магичната состојка од супата: Рецептот за овој сладолед е создаден од ChatGPT, дали би сакале да го пробате?

Слаткарите во Милано се свртуваат кон вештачката интелигенција (ВИ) за да создадат нови рецепти, потпирајќи се на модерната технологија за да добијат нови вкусови на замрзнати слатки задоволства.

Иако сè уште користат традиционални методи, италијанските производители на сладолед се потпираат на ChatGPT и други алатки за вештачка интелигенција за да дојдат до нови иновативни рецепти, пишува The Times, пренесува Zimo.hr.

Џанфранко Сампо (63), сопственик на слаткарницата Тера во Милано и еден од водечките италијански производители на сладолед, влезе во софтверот ChatGPT рецепти и веб-страници на производители на сладолед што ги цени, по што вештачката интелигенција му понуди предлози за нови вкусови. Врз основа на тие предлози, Сампо разви иновативни вкусови како што е сладолед од бела чоколада со карамелизиран црн пипер.

„Никогаш не размислував да ги комбинирам овие состојки“, изјави Сампо за Тајмс.

Оттогаш тој додаде рецепти со вештачка интелигенција на своите шербети и сладоледи, вклучувајќи сладолед од цимет со бадеми и коцки од круша.