in

„ГТА-грипот“ ја зафаќа Британија: милиони планираат да изостанат од работа поради новата игра

Долгоочекуваната видеоигра „Grand Theft Auto VI“ предизвикува голема возбуда меѓу играчите, но и загриженост кај работодавачите. Поради тоа, феноменот веќе е наречен „ГТА-грип“, бидејќи многу играчи планираат да не одат на работа за да ја играат играта веднаш по нејзиното објавување на 19 ноември.

Според проценките што ги пренесоа британските медиуми, околу 2,5 милиони работници во Велика Британија сакаат да го искористат денот на премиерата за играње. Особено е забележливо што околу 900.000 од нив наводно размислуваат да пријават боледување, иако не се болни.

Истражувањето на сервисот Uswitch, спроведено меѓу 1.000 британски работници кои играат видеоигри, покажало дека дел од играчите се подготвени да ги променат работните обврски, да земат годишен одмор или да искористат дел од работното време за да уживаат во новото продолжение на популарниот серијал.

Дополнително, податоците од компаниите што управуваат со работната сила покажуваат зголемување на барањата за слободен ден на 19 ноември за 29 проценти, во споредба со истиот датум минатата година.

Интересно е што и Штраус Зелник, извршниот директор на Take-Two Interactive, компанијата што стои зад издавањето на играта, претходно се пошегувал дека многумина ќе се пријават како болни на денот на премиерата.

Возбудата не е ограничена само на Британија. И во Австралија работодавачите се подготвуваат за можен пораст на отсуствата, а институциите таму ги потсетија вработените дека боледувањето треба да се користи само кога навистина постои здравствена причина. Работодавачите, исто така, можат да побараат соодветна потврда за оправданоста на отсуството.

И покрај високите бројки што кружат во јавноста, економистите предупредуваат дека проценките за можни загуби од милијарда долари за американската економија се претерани. Тие нагласуваат дека станува збор за сценарија засновани на претпоставки, а не за реално измерени економски штети.

Покрај еуфоријата околу „GTA VI“, се отвори и сериозен работнички спор. Поранешни вработени во студиото Rockstar Games ги оспоруваат отказите пред суд за работни спорови во Глазгов. Вкупно 34 работници во Велика Британија и Канада добиле откази во октомври 2025 година, а дел од нив тврдат дека биле отпуштени поради синдикално организирање.

Од компанијата, пак, тврдат дека отказите уследиле поради сериозно прекршување на правилата за доверливост и споделување чувствителни информации на нејавна интернет-платформа. Rockstar ги отфрла обвинувањата и најавува дека ќе ги оспорува пред судот.

What do you think?

Leave a Reply

Your email address will not be published. Required fields are marked *

Почина режисерот Реј Тинтори, партнер на Хајди Гарднер од „Saturday Night Live“

Поранешниот победник на „Love Island“ повторно уапсен поради возење под дејство на дрога, иако му е забрането да вози до 2029 година