Изладете се со чоколаден сладолед – потребни ви се само две состојки

Ви пренесуваме рецепт за чоколаден сладолед кој се прави од само две состојки – млеко и инстант пудинг со вкус на чоколадо. Имајќи предвид дека овој вид пудинг нема потреба од варење, основата на овој летен деликатес ќе се направи за само неколку минути.

Потоа доволно е смесата да ја префрлите во пластични или метални калапи за сладолед и да ги ставите во замрзнувач. Најтешкиот дел од целиот процес е да се чека смесата да замрзне.

Состојки:

750 мл ладно полномасно млеко

170 гр крем пудинг со вкус на чоколадо (без готвење)

Подготовка:

Во млекото кое не треба да се готви додадете кремаст пудинг со вкус на чоколадо.

Мешајте додека не се соединат состојките. Ќе ви требаат околу три минути за да добиете густ и вкусен крем.

Добиената смеса истурете ја во калапи за сладолед, па ставете ги во замрзнувач околу шест часа или додека не замрзнат.

Извадете го сладоледот од калапот и уживајте во сладоледот.

Пријатно!