Џудит Шајндлин, позната како „Судијката Џуди“, по речиси три децении пред камерите најави дека се повлекува од судската фотелја.
Во својата 83. година, Шајндлин потврди дека нејзината популарна серија „Judy Justice“ ќе заврши во октомври, по што таа нема да се појавува пред камерите. Сепак, таа планира да продолжи со работа зад камерите и да се вклучи во нови проекти.
Шајндлин првпат се појави во емисијата „Judge Judy“ во 1996 година, која траела 25 сезони до 2021 година, а истата година почна со „Judy Justice“.
Мотивот за нејзиното повлекување не е желбата за пензија, туку потребата да се посвети на други интереси и креативни проекти. Во интервју, се пошегувала дека повеќе не ја привлекува подготовката за снимање – шминка и фризура.
„Се уште сакам мојата порака да стигнува до луѓето“, изјавила Шајндлин.
Таа ќе остане активна во телевизијата преку својот син Адам Леви, бидејќи е извршен продуцент на неговата нова судска емисија „Adam’s Law“, во која тој ќе биде телевизиски судија.
Последното појавување на Шајндлин во „Judy Justice“ се очекува на 22 октомври, кога ќе биде објавена финалната епизода. По 30 години, една од најпрепознатливите телевизиски судијки ќе се повлече, но ќе остане активна во создавањето на телевизиски содржини зад сцената.
