Првиот соларен автомобил за народни маси доаѓа од Германија, веќе пристигнаа 20.000 резервации

SONO Motors најави дека наскоро ќе започне со производство. 

Производителот од Минхен уште во 2017 година го претстави моделот Sion, првиот SEV модел или подолго – соларен електричен автомобил. Сега компанијата објави дека до почетокот на септември годинава добила над 20.000 резервации, секоја со депозит од 2.000 евра.

Соно претходно објави дека Sion ќе има почетна цена од 25.126 евра. Целта е да се произведат 257.000 единици во текот на седум години производство, почнувајќи од втората половина на следната година. За производство ќе биде задолжена Valmet Automotive од Финска. 

Овде, концептот на соларен електричен автомобил има сосема поинакво значење од претходните комерцијализации на соларни панели на четири тркала. Сион има 456 клетки распоредени низ телото, што овозможува домет од 112 километри неделно, но двојно повеќе во области со многу сончеви денови. Исклучок е предниот дел, каде што нема ќелии со цел да се минимизираат трошоците за поправки во случај на сообраќајна несреќа. 

Sion има и батерија со капацитет од 54 kWh, која обезбедува опсег до 305 km според WLTP. Компатибилен е со полначи со моќност до 75 kW, а може да послужи и како извор на енергија со моќност до 2,7 kW.