Се топи во устата: Пилешко во сенф и мед

За да го подготвите ова едноставно и вкусно јадење потребни ви се 25 минути, а количината е доволна за четири.

Состојки:

• 6 пилешки гради
• 120 гр мед
• 120 гр сенф
• 1 лажичка сув босилек
• 1 лажичка сушена пиперка
• половина лажичка свежо сечкан магдонос
• сол и бибер по желба
• малку масло

Подготовка:

Загрејте ја рерната на 180 C. Месото посолете го и биберете и садот за печење лесно премачкајте го со масло. Во помал сад измешајте мед, сенф, босилек, пиперка и магдонос. Половина од преливот премачкајте го врз пилешкото. Печете 30 минути. Премачкајте го пилешкото со остатокот од преливот и печете уште десетина минути.