На грчкиот остров Закинтос, полициските власти уапсиле 63-годишна жена поради инцидент кој резултираше со смртта на мачка. Сопственичката на животното пријавила случајот во полицијата.
Според информациите, жената, која живее во Ромири, ја врзала мачката за ѕид, што довело до угинување на животното. По спроведената истрага, утврдено е дека таа е одговорна за смртта на мачката.
Против неа е поднесена кривична пријава за прекршување на законите за благосостојба и заштита на животните. Жената беше приведена и изнесена пред обвинителството во Закинтос.
Исто така, ѝ е изречена административна казна од 30.000 евра. Грчките власти во последно време сериозно ги заострија казните за малтретирање и убивање на животни, а за таквите дела предвидена е и затворска казна.
Случајот предизвика широк интерес во јавноста, особено поради зголемените мерки против насилството на животни, и властите повторно нагласуваат дека суровото третирање на животните носи сериозни правни последици.
