Балансирајте ги хормоните: Секоја жена треба да ги следи овие три правила

Гинекологот и експерт за кето диета Џејми Симан дава три универзални совети за здравје и рамнотежа на хормони кои секој може да ги примени, но всушност ретко кој ги спомнува:

Градење на мускулите

„Ако сакате успешно да стареете, мора да се фокусирате на вашите мускули“, вели докторот. Вежбањето и здравата мускулна маса помагаат при хормонална дисфункција. Знаеме дека мускулната маса е важна за долговечноста и здравјето, но според докторот таа е исто толку важна и за метаболичкото и хормоналното здравје.

“Повеќето луѓе мислат на мускулите како естетска работа, но тоа не е. Тоа е ендокриниот орган. Буквално лачи хемикалии кои зборуваат со вашиот мозок и вашето срце”, објасни Џејми Симан. Истражувањата покажуваат дека градењето мускули може да го одржи вашиот базален метаболизам и позитивно да влијае на регулацијата на хормоните. Исто така, тренингот за сила може да го зголеми нивото на одредени хормони кои прават да имате повеќе енергија.

„Само посакувам жените да го прифатат тренингот за сила! Ви требаат само 30 минути во теретана. Ако кревате тегови на вистински начин, тоа е прилично добар кардиоваскуларен тренинг“. – објаснува гинекологот Џејми Симан.

Квалитетно спиење

Веројатно нема потреба да ве потсетуваме дека недостатокот на сон може значително да го наруши вашиот хормонален баланс. На пример, имате повисоки нивоа на грелин и пониски нивоа на лептин кога имате лош сон, што значи дека сте помалку задоволни и имате зголемен апетит. „Влегувате во енергетска криза; кортизолот ви полудува“, додава Симан, што може да ве натера да посегнете по помалку здрава храна што го зголемува шеќерот во крвта. Кога сте ненаспани, вие сте погладни, јадете повеќе слатки и брза храна. Освен тоа, кога немате квалитетен сон, се намалува нивото на сератонин и допамин (хормон на среќата). Потрудете се да одржувате добра хигиена на спиењето. Докторот советува дека поради несоница треба да правите вежби за длабоко дишење кои можат да ви помогнат да се смирите и полесно да заспиете.

Дајте приоритет на менталното здравје

Како и спиењето, лошото ментално здравје може да влијае на телото. Да не заборавиме дека кортизолот, озлогласениот хормон на стресот, може да доведе до зголемување на инсулинот, што потоа негативно влијае на метаболизмот на гликозата. Како резултат на тоа, ќе копнеете повеќе за шеќер, јаглехидрати и слатки. Високото ниво на кортизол може негативно да влијае на вашиот сон, што само го продолжува циклусот на хормонална дисфункција.

„Морате да одвоите делови од денот за да го негувате вашето ментално здравје, вашиот парасимпатичен нервен систем“, вели Симан. На пример, таа посветува неколку моменти од својот ден на вежби за дишење: “Можете да го правите тоа апсолутно секаде. Можете да го направите во вашиот автомобил, можете да одите во тоалет… Ако го вклучите во секојдневните ритуали, можете само биди поотпорен“.