ЧОРБА СО ПРАЗ и КОМПИР! Идеална за зимски денови!

Што е најпријатно во зима? Кревет и топло ќебе. Добра книга или серија. Многу сон. Манџа. За второто се погрижи оваа богата, кремаста супа… Уживајте!

2 лажици путер

100 гр чадена сланина

3 компири

2 моркови

2 парчиња пашканат

0,5 кг праз

коцка за пилешка супа

2 дл крем за готвење

сол, бибер

мајчина душица, босилек

ѓумбир, чили

За да послужите:

неколку лажици рендан пармезан

малку магдонос

Подготовка:

Зеленчукот и сланината исечкајте ги на коцки. На путер пропржете ја сланината (оставете малку на страна за сервирање), додадете го празот, а кога ќе се испржи додадете го остатокот од зеленчукот. Истурете вода да се покрие, па оставете да зоврие. Додадете ја коцката за супа, намалете ја топлината и варете околу половина час. Истурете го кремот за готвење и зачинете, а по желба изблендирајте. Послужете со малку сланина, пармезан и свеж магдонос.

Пријатно!