Австриската јавност е шокирана од веста за смртта на Лучија Шишиќ, актуелната Мис Австрија, која има само 22 години.
Организацијата „Mission Austria“ потврди дека добиле веста со голема тага и изразија шок. Нема информации за причината за нејзината смрт.
Лучија е родена и израсната во Виена, а во 2024 година прво ја освоила титулата Мис Виена пред да биде прогласена за Мис Австрија. Пошто не бил организиран нов избор, таа ја задржа титулата до крајот на својот живот.
Нејзиниот живот бил сложен поради сериозни здравствени предизвици. Од рана возраст, Лучија живеела со вродена срцева мана, заради која поминала низ седум операции, а последната се случила оваа зима.
Таа во неколку наврати се заблагодарила на лекарите кои ѝ го спасиле животот. По последната операција, се надевала на подолг период без нови здравствени проблеми.
Иако родена во Виена, Лучија беше горда на своето потекло, бидејќи нејзините родители потекнуваа од Босанска Посавина и имала врски со хрватската заедница во Австрија.
Организацијата „Mission Austria“ и здружението „Herzkinder Osterreich“ изразија своите сочувства до семејството и пријателите на младата Мис, истакнувајќи дека таа заминала премногу рано.
Нејзината смрт на само 22 години заврши животот на млада жена која, и покрај сериозните здравствени проблеми, се бореше за своите соништа и остави значаен белег во светот на убавината.
