Вкусно уживање: Брзи мафини со џем

Потребни состојки:

2 јајца
150 гр шеќер
100 мл јогурт
70 мл масло
140 гр брашно
1 кесичка прашок за пециво
џем
шеќер во прав

Подготовка

Јајцата се матат, постепено се додава шеќерот и се мати смесата додека не стане пенеста. Додадете јогурт, масло и на крај брашното што сте го измешале со прашокот за пециво. Добро соединете ја смесата со матење за да нема грутчиња брашно.

Во калап за мафини наредете ги хартиените корпи. Половина од смесата што ја имате намачкајте ја во сите отвори. На секој отвор со лажица додадете малку џем (по избор). Другата половина од смесата ја додаваме со лажица во сите отвори за да се покрие џемот со смесата.

Печете ги мафините во загреана рерна на 180 степени целзиусови околу 20 минути. Секако зависи од вашата рерна. Внимавајте на нив, треба да добијат убава жолтеникава боја. Кога малку ќе се изладат посипете со шеќер во прав.