Пејачот и кантавтор Борис Новковиќ објави одлични вести за своите фанови – неговиот популарен хит „У добру и злу“ ќе добие нов ремикс со освежено издание.
Оваа песна, која со текот на времето стана еден од најпрепознатливите хитови на Новковиќ, повторно ќе ја воодушеви публиката. Премиерата на ремиксот е закажана за понеделник, 14 септември, во 12 часот, а љубителите на неговата музика нетрпеливо очекуваат новата верзија.
Новковиќ воведува свежина во песната која е во срцата на многумина и премиерата ќе понуди ново музичко искуство за фановите. Ова издание е посебно значајно поради фактот што неодамна ја прослави 40-годишнината на својата успешна кариера, а вечерта беше исполнета со многу емоции, овации и незаборавна атмосфера.
На концертот, кој беше организиран од Hype продукција, пред многу публика, Борис изведе безвременски хитови кои оставија длабока трага на музичката сцена, а настанот повторно покажа како се организираат спектакуларни музички вечери.
