Полнетите морски компири се вкусно јадење, за кое не ви требаат многу состојки, ниту време, а кое лесно ќе го задоволи целото семејство. Тие се толку вкусни што нема да можете да чекате да ги направите повторно.
Состојки:
- 4 големи бели компири
- 1 голем домат
- 100 гр сечкани маслинки
- 100 гр фета сирење
- 100 гр сланина
- маслиново масло
- сол, бибер
- Оригано
Подготовка:
Добро измијте ги компирите во раствор од сода бикарбона и избришете ги со крпа. Намачкајте ги со маслиново масло, посолете ги и избоцкајте ги со чепкалка на повеќе места. Наредете ги на хартија за печење и печете околу еден час на 190 степени. Кога ќе бидат готови, оставете ги малку да се изладат, а потоа извадете ги со лажица. Средината измешајте ја со лажица маслиново масло, сол, бибер и оригано. Вратете ја смесата во издлабените компири, додајте ги сечканите домати и маслинки, распарчената фета и ситно сечканата сланина. По желба прелијте со сос од грчки јогурт, краставица и лук.
GIPHY App Key not set. Please check settings