По долгогодишна пауза од шест години, Селин Дион повторно застана пред обожавателите, а нејзиниот настап во Париз беше исполнет со силни емоции и солзи.
Канадската музичка икона синоќа настапи пред околу 30.000 фанови во „Plenitude Arena“, започнувајќи ја возбудливата концертна серија. Ова беше нејзиниот прв целосен концерт по подолг период.
На самиот почеток, Дион не можеше да се контролира од емоции, започнувајќи со песната „On Ne Change Pas“. Иако си ветила дека нема да плаче, нејзините чувства ја надвладеа и таа сподели колку многу им недостигала на своите фанови.
Враќањето на 58-годишната пејачка има длабоко значење, особено откако во 2022 година беше дијагностицирана со синдром на вкочанета личност, што и’ пречеше да настапува. Подготовките за овој момент вклучуваа интензивна физиотерапија и вокални тренинзи.
На концертот ги изведе своите најголеми хитови, како „My Heart Will Go On“ и „All By Myself“, а публиката ја поздрави со бурни овации. Овој настап не беше само музичка програма, туку и емоционален момент за многу нејзини обожаватели, докажувајќи дека Селин Дион повторно е на правиот пат – на сцената.
Незаборавниот концерт продолжува со уште 25 настапи во Париз, а интересот за нејзините шоута е исклучително висок.
